கிரிவல பாதையில் பக்தர்களுக்கு தேவையான அடிப்படை வசதிகள் 99 சதவீதம் மேற்கொள்ளப்பட்டுள்ளது, அமைச்சர் எ.வ.வேலு தகவல்.

திருவண்ணாமலை அருணாசலேஸ்வரர் கோவில் கார்த்திகை தீபத் திருவிழா நடைபெற்று வருகிறது. 10 நாட்கள் நடைபெறும் இவ்விழாவில் சிகர நிகழ்ச்சியாக வருகிற 26ந் தேதி அதிகாலையில் பரணி தீபமும்,மாலையில் மகாதீபமும் ஏற்றப்பட உள்ளது. அன்றைய தினம் சுமார் 30 வட்சத்திற்கு மேற்பட்ட பக்தர்கள் கிரிவலம் செல்வார்கள் என்று மாவட்ட நிர்வாகத்தால் எதிர்பார்க்கப்படுகிறது. 

இந்த நிலையில் நேற்று (19-11-23) கிரிவலப் பாதையில் வரும் பக்தர்களுக்கு தேவையான அடிப்படை வசதிகள் குறித்து அமைச்சர் எ.வ.வேலு நேரில் பார்வையிட்டு ஆய்வு செய்தார்.பின்னர் அமைச்சர் எ.வ.வேலு கூறியதாவது, தமிழக முதல்வர் சென்ற முறை கார்த்திகை தீபத் திருவிழா ஆன்மிக மக்கள் பாராட்டும் வகையில் அமைந்திருந்ததாக பெருமையாக கூறினார். எனவே இந்த ஆண்டும் சிறப்பாக இவ்விழா அமைந்து விட வேண்டும் என்று முதல் அமைச்சர் தெரிவித்துள்ளார்.

கிரிவலப் பாதையில் 99 சதவீதம் பக்தர்களுக்கு தேவையான அடிப்படை வசதிகள் மேற்கொள்ளப்பட்டுள்ளது.மீதமுள்ள 1 சதவீதத்தை இன்று (திங்கட்கிழமை) மாலைக்குள் நிறைவு செய்ய உத்திரவிடப்பட்டுள்ளது,  இவ்வாறு அவர் கூறினார். ஆய்வின் போது கலெக்டர் முருகேஷ், சி.என்.அண்ணாதுரை,M.P., மற்றும் பலர் கலந்துக்கொண்டனர்.      

- அ.மு.முஸ்தாக் அகமத், மாவட்ட செய்தியாளர், திருவண்ணாமலை.